Lle'r ydyn ni?

Cliciwch ar y ddelwedd isod am olwg fwy o Bowys.

Map of United Kingdom with Powys Highlighted
YMGEISWYR TRAMOR

Canllawiau i ymgeisw+overseas.htmoverseas.htmyr tramor a rhai nad ydynt yn Brydeinwyr

Mae cyngor bras am eich hawl i weithio yn y DU isod. Os ydych am fwy o wybodaeth dilynwch y dolenni neu cysylltwch â’r adran bersonél briodol. Defnyddiwch y dolenni i wefannau swyddogol y Swyddfa Gartref  i gael y wybodaeth ddiweddaraf gan fod y rheolau’n newid yn aml.

  1. Alla i weithio yn y DU?
  2. Ydw i’n ddinesydd yr Ardal Economaidd Ewropeaidd (EEA)?
  3. Rydw i’n ddinesydd yr EEA, felly pa hawliau sydd gen i os ydw i am weithio yn y Deyrnas Unedig?
  4. Rydw i’n ddinesydd y Swistir, felly pa hawliau sydd gen i?
  5. Dydw i ddim yn ddinesydd yr EEA, felly beth ddylwn i ei wneud?
  6. Siart Llif y Swyddfa Gartref – ‘Angen caniatâd i weithio yn y DU?'
  7. Rhifau ffôn defnyddiol
  8. Gwefannau defnyddiol

Alla i weithio yn y DU?

Os ydych chi’n:

  • Ddinesydd Prydeinig;
  • Dinesydd y Gymanwlad gyda hawl preswyl; neu'n
  • Aelod teulu dinesydd un o wledydd Ardal Economaidd Ewropeaidd neu'r Swistir, sy'n byw'n gyfreithlon yn y DU.

nid oes angen i chi gael caniatâd i weithio yn y DU. Cliciwch yma am eglurhad y Swyddfa Gartref.

Ydw i'n ddinesydd yr Ardal Economaidd Ewropeaidd (EEA)?

Rydych chi'n ddinesydd yr EEA os ydych chi'n ddinesydd un o'r gwledydd canlynol.

Awstria
Gwlad Belg
Cyprus
Gweriniaeth Tsiec
Denmarc
Estonia
Y Ffindir
Ffrainc
Yr Almaen 		Gwlad Groeg
Hwngari
Gwlad yr Iâ
Iwerddon
Yr Eidal
Latfia
Liechtenstein
Lithwania
Lwcsembwrg 		Malta
Yr Iseldiroedd
Norwy
Gwlad Pwyl
Portiwgal
Slofacia
Slofenia
Sbaen
Sweden

Nid yw Gwlad yr Iâ, Liechtenstein a Norwy yn aelodau o'r Undeb Ewropeaidd (UE). Fodd bynnag mae Cytundeb yr Ardal Economaidd Ewropeaidd wedi rhoi'r un hawl i ddinasyddion y gwledydd hyn ddod i mewn, byw a gweithio yn y Deyrnas Unedig â dinasyddion yr UE.

Rydw i'n ddinesydd yr Ardal Economaidd Ewropeaidd, felly pa hawliau sydd gen i os ydw i am weithio yn y Deyrnas Unedig?

Gallwch chi:

  • dderbyn cynigion am waith;
  • gweithio (fel gweithiwr cyflogedig, yn hunangyflogedig neu mewn busnes);
  • sefydlu busnes;
  • rheoli cwmni; neu
  • sefydlu cangen leol cwmni.

Does dim angen trwydded waith ond os ydych chi’n dod o

  • Estonia
  • Gweriniaeth Tsiec
  • Hwngari
  • Latfia
  • Lithwania
  • Slofacia
  • Slofenia

efallai y bydd angen i chi gofrestru fel gweithiwr dan y Cynllun Cofrestru Gweithwyr.

Byddwn yn trafod hyn gyda chi ac yn eich cynorthwyo yn y broses.

Mae taflen wybodaeth ar gael hefyd:

I gael Ffurflen Gais Cofrestru Gweithiwr (WRS) ffoniwch 08705 210224 neu cliciwch yma.

Rydw i'n ddinesydd y Swistir, felly pa hawliau sydd gen i?

Bydd gennych chi'r un hawliau â Dinasyddion eraill yr EEA.

  • Gallwch chi ddefnyddio’r sianel UE/EEA pan fyddwch yn dod i mewn i’r Deyrnas Unedig
  • Gallwch chi weithio yn y Deyrnas Unedig heb fod angen trwydded waith arnoch chi
  • Gallwch chi wneud cais am drwydded breswyl i ddangos bod gennych chi hawl i fyw yn y Deyrnas Unedig.
  • Efallai y bydd hawl gan aelodau eich teulu i fyw gyda chi yn y Deyrnas Unedig.

Dydw i ddim yn ddinesydd yr Ardal Economaidd Ewropeaidd, felly beth ddylwn i ei wneud?

Os ydych yn ddinesydd tramor ac am weithio i ni bydd angen ‘Caniatâd Cyfyngedig i Aros' arnoch chi.

Bydd angen i ni wneud cais am drwydded waith cyn y gallwn ni’ch cyflogi chi ac:

Os ydych chi’n byw yn y DU bydd angen i chi wneud cais am Ganiatâd Cyfyngedig i Aros (LTR) cliciwch yma am fwy o fanylion.

Byddwn ni’n trafod hyn gyda chi mewn cyfweliad.

Os ydych chi eisoes yn byw yn y DU byddwch yn gweld a oes gennych chi hawl i weithio trwy edrych ar y stamp ar eich pasport.  Mae enghreifftiau o stampiau pasport ar wefan y Gyfarwyddiaeth Mewnfudo a Chenedligrwydd.

NEU

Os ydych chi y tu allan i’r Deyrnas Unedig ar hyn o bryd, mae’n bosib y bydd angen i chi wneud cais am glirio mynediad cyn teithio a chofrestru gyda’r heddlu pan fyddwch chi’n cyrraedd.

Mae’n orfodol i ddinasyddion y gwledydd canlynol sy’n bwriadu aros yn y DU am fwy na chwe mis glirio mynediad: Awstria, Canada, Hong Kong SAR, Siapan, Malaysia, Seland Newydd, Singapôr, De Affrica, De Corea ac UDA.

Yn ogystal â deiliaid Trwydded Waith y DU, ac eithrio Dinasyddion Prydeinig heb Hawl Preswyl, bydd angen clirio mynediad y rhai sy’n aros am fwy na chwe mis.

Gan fod y rheolau a’r ffurflenni yn newid yn aml dylech chi ffonio’r Biwro Ymholiadau Mewnfudo a Chenedligrwydd 0870 606 7766 i wneud yn siŵr bod gennych chi’r cyngor diweddaraf.

Gallwch chi ddefnyddio’r holiadur hwn i gael gwybod a oes angen i chi gael fisa, neu glirio mynediad i ddod i mewn neu deithio trwy’r DU.

Siart Llif y Swyddfa Gartref - 'Angen caniatâd i weithio yn y DU?'

Am siart llif yn rhoi trosolwg o'r broses cliciwch yma.

Rhifau ffôn defnyddiol

Gwasanaeth ymholiadau cyffredinol Trwyddedau Gwaith (DU)
Biwro Ymholiadau Mewnfudo a Chenedligrwydd
Swyddogion Mewnfudo Awdurdodedig
Gwybodaeth Fisa a Thaflenni Canllawiau
Ffurflenni cais Fisa
Taflenni’r Swyddfa Gartref yn egluro sut mae’r rheolau mewnfudo yn berthnasol i’ch amgylchiadau chi
Ffurflenni cais Tystysgrif Cofrestru Gweithiwr
Tîm Cofrestru Gweithwyr y Swyddfa Gartref
 0114 259 4074
0870 606 7766
0845 000 0046
+44 (0)20 7008 8438
+44 (0)20 7008 8308
+44 (0)20 8604 5795

+44 (0)8705 210 224
+44(0)114 259 6262


Gwefannau defnyddiol

^ Yn ôl i'r Brig

Yn ôl i'r bar llywio