Lle’r ydyn ni?
Cliciwch ar y ddelwedd isod am olwg fwy o Bowys.
Gweithio
Mae’n wir bod Powys yn sir fodern, ddeinamig, ac rydyn ni am gael gweithiwyr proffesiynol modern, deinamig i fyw a gweithio yma. Felly, gallwch edrych ymlaen at heriau newydd, hyfforddiant a datblygiad o’r radd flaenaf, cyfle go iawn i symud ymlaen yn eich gyrfa yn ogystal â chyflogau cystadleuol a chydbwysedd rhwng bywyd a gwaith heb ei ail.
Ac, yn y pen draw, Powys yw’r lle i weithwyr proffesiynol sydd am weithio i fyw. Pobl sydd am dai fforddiadwy, cymunedau diogelach, ysgolion gwych, amwynderau trefol rhagorol ac amgylcheddau gweithio campus (edrychwch ar swyddfeydd y Cyngor yn Llandrindod sy’n adlais o’r dwyrain), ffyrdd agored, golygfeydd ysblennydd ac ansawdd bywyd cyfoethocach.
Edrychwch ar yr hyn sydd gan rai o’r bobl sy’n byw ac yn gwneud eu bywoliaeth yma i’w ddweud.
Powys Proffils
Norman Welch - Heddlu Dyfed PowysRheolwr AD a Phrif Arolygydd Rhanbarth Powys ydw i a dw i wedi gweithio yma am 29 mlynedd. Mae pob diwrnod yn wahanol yn fy ngwaith i. Dw i'n delio ag amrywiaeth eang o dasgau o faterion AD i waith arfau tân. Un diwrnod bydda i'n delio â rheoli absenoldeb a ffeirau gyrfaoedd a'r nesaf yn gwneud gwaith dydd i ddydd heddwas. Mae'n swydd ddifyr sy'n llawn amrywiaeth. Ces i fy nenu i'r sefydliad gan yr amrywiaeth heb ei ail a gewch o weithio fel Swyddog yr Heddlu. Dw i hefyd yn mwynhau'r boddhad a gaf i wrth ymdrin â materion AD sy'n hanfodol i'r gwaith o weithredu sefydliadau. Dw i'n dod o ardaloedd Crughywel ac Aberhonddu yn wreiddiol, ond wedi cael fy nenu bob amser i ardal Powys. Pan ddechreuais i weithio gyda Heddlu Dyfed Powys, roeddwn i'n gweithio yn Llanelli. Des i'n ôl i Bowys ym 1984 ac ar hyn o bryd dw i'n byw yn y Drenewydd. Dw i'n mwynhau'r cyfrifoldeb a'r amrywiaeth o waith sydd ar gael yn Heddlu Dyfed Powys yn fawr iawn. Mae yma strwythur gyrfa rhagorol hefyd ac rydych bob amser yn cael synnwyr cryf o falchder cymunedol ac o berthyn. |
||